rua17

O microsite, como o seu propio nome indica, é a forma máis simple de páxina web.
A súa utilidade limítase a ter un lugar na rede onde ser buscado e úsase, normalmente, cando o orzamento asignado para o apartado web da empresa é limitado ou cando a páxina web definitiva aínda está sendo construída.
O microsite consta dun dominio (www.nome.xx) co que poder ser atopado en internet, e unha páxina de portada na que se poden incluír aspectos básicos da identidade corporativa da empresa, así como determinados servizos, especialmente de carácter informativo.
Coa creación de microsites, rua17 consegue optimizar as funcións destes para obter resultados tanxibles a curto prazo, mediante un custo baixo.

Na actualidade, e debido á forza e posibilidades que concede o estar ben situado nos buscadores de internet (google, yahoo, etc.) estanse facendo un oco cada vez maior, de entre todo o elenco de páxinas web, os xestores de contidos.
As principais características do xestor de contidos, en detrimento dun gran impacto visual como o que poden ter as páxinas en flash, é a facilidade para actualizar os contidos do sitio, así como a posibilidade de que estes sexan indexados (introducidos) nos buscadores. Estas son as súas principais vantaxes.
A fácil actualización dos contidos da web dunha empresa, permite que esta mostre en cada momento as súas novidades, á vez que potencia o carácter dinámico das mesmas, fronte a outros tipos de páxinas web máis estáticas.
A capacidade natural do xestor de contidos unida a unha boa xestión no plano da optimización para buscadores (SEO), fan deste tipo de páxinas unha ferramenta ideal para situarse en internet.

Xunto cos xestores de contidos, dos que falamos noutro artigo, as páxinas web en flash son o outro gran campo de traballo de rua17 no ámbito web.
Dende a súa creación en 1996, o formato flash, aplicado á creación de páxinas web, vaise convertendo nunha ferramenta de gran flexibilidade para o deseño, con contidos interactivos para o usuario, o que supuxo unha revolución á hora de captar a atención de clientes e usuarios de internet.
As vantaxes das páxinas web en flash, fronte a outros formatos son o seu gran dinamismo no plano visual e a súa capacidade para introducir elementos de animación e multimedia (vídeos, audios, etc.).
Como contrapartida, o flash tamén ten certos inconvenientes que é preciso citar para darlle ao cliente a capacidade de escoller a páxina web que mellor cubra as súas necesidades. O mantemento e renovación de contidos das páxinas en flash é bastante complicado e tampouco é un formato idóneo para un bo posicionamento web.