rua17

O logotipo é a imaxe máis básica e directa da empresa ante o cliente. É a marca. A primeira relación que se establece entre o consumidor e a empresa é de carácter visual, e esta visión vai condicionar a idea posterior que terá o cliente sobre moitos aspectos do proxecto. Toda esta relación depende, en gran medida, do deseño do logotipo.
O deseño de logotipos é fundamental porque esta imaxe básica aglutina conceptos que falan sobre a propia filosofía da empresa, os seus valores e principio, sen esquecer que debe ser un deseño único e diferente dos da competencia. En rua17 tomamos moi en serio todo o traballo previo á creación e deseño do logo, coidado que garante que este logotipo responderá a unhas necesidades reais. O estudo previo consta de briefings, estudos de mercado e análise do material gráfico da competencia, o que frecuentemente se transforma nunha íntima relación entre rua17 e os nosos clientes. Na nosa empresa nunca lles aseguraremos que os nosos logotipos sexan os mellores ou máis rechamantes do mercado, senón que detrás deles hai un delicado e coidadoso traballo de deseño, garantía da súa coherencia e exclusividade.